夢の埃咩入苛！

哈哈！又買貴野添！咪住先，今次分期架！！！（我都想有咁富貴……）
講左好耐，終於買左！始終部舊mac都用左好多年，係時候退驛咯，再加上買左個iPhone之後又support唔到，乜都過唔到落去令我好傷心嘛！最後都係決定買埋就新機，一了百了！同買iPhone時一樣，都係自動upgrade左！無錯，就係我原本target買20"既，不過無現貨，返而24"又有喎，價錢貴少少，不過分期黎講每個月都係比多一兩百，最後成功upgraded。部機重到癡，由星光行拎到上車經已手仔軟，不過果下大真係非常happy！不過而家主要既software都未裝，要去周圍搜索一下先！又有排install lu!!!

夢の埃風入苛！

終於忍唔住買左個iPhone返黎玩lu，無錯！係「玩」！因為實在係好多野玩！是關一個可以打電話既iPod本身就係一個好好玩既玩具！仲要有得上網、打機、睇片等等… 真係好玩到不能！
其實本身諗住買8G就算，平Ｄ嘛！不過發現差個一千幾百就有多一倍，最終不敵引誘，豪左野勁既！雖然有個有心人+有緣人資助一半鉅額，不過都係有Ｄ肉赤。第一日返屋企就不停install software，無計，佢用wi-fi直接係個iPhone入便install實在太方便！不過好多software都用唔到，因為在下買既係1.1.4 T_T。而且屋企部mac太舊關係唔support，所以無歌聽！！！慘！最後唯有用公司電腦做住個base先啦！
而家所有要裝既野，無論係歌、片同software都裝晒入去，部iPhone經已好完整（對我黎講），終於都覺得個5千銀係抵比既！

期待！獵人歸位

停止左一輪既狩獵行動將會再次展開！因為新一集既Monster Hunter將會於月內發表！一眾獵人們請盡快歸位！有兄弟們幫小弟買左我支電龍笛景品，當然要幫佢影張靚相post上黎啦！兄弟們！磨定刀等出發屠龍勒！

Legend

於大家的生命當中，不多不少都有好幾個傳奇出現。而這些傳奇通常都會或多或少的影響了大家。

而這個傳奇人物可算影響我最深！他就是籃球之神 - Michael Jordan。早在兩星期前於尖沙咀的nike shop見到了這個傳奇的新鞋promotion，他令多少人沉洣於籃球當中已不用我多說，我也是其中一個。他令我的中學生涯（差不多）全部奉獻當籃球場了！有多少人能有這樣的魅力呢？雖然他已退休多時，但球鞋仍能繼續出，繼續有人買！又有誰人能及呢？雖然喬丹兄已發福了不少，看來魅力依然沒法擋呢！

痴撚七線！！

呢個世界有人出左部iPhone同NDS經已係一件好痴線既事，點之有Ｄ痴線仔要黎咁玩∼∼NDS我就有勒！０甘樣令我更想快Ｄ買iPhone.....



經已証實NDS用既一係一隻叫electroplankton既game
而iPhone(bass)既software係pocketguitar(可以玩埋結他、電結他)
(piano)係iAno

機本上有兩個人有iPhone，而呢兩個人都有裝呢Ｄ software的話，去到邊都夾得band啦！一齊買iPhone啦飛！你唔係唔買呀∼明！邊有得走呀！！直情想聽日就買呀！！！

痴撚線！

08 Slam Dunk Contest + Somewhere I Belong


因為X Japan所以呢幾日都有上youtube (平時我唔睇乜濟架)，0甘啱今日又NBA all star weekend，咪睇下囉！唔睇由自可，睇完點可以唔講呢句呢？

強勢回歸！

X Japan!!!!!!
我all time favorite既樂隊，將會於三月下旬回歸樂顫！雖然唔知會唔會係one shot既回歸，但係真係好希望可以睇到佢地既live!雖然少左一個人，的確好遺憾，不過都好想現場睇一次！超期待！！

燃燒中！我著火勒！！！！

新春大吉の初五啟市

今年似乎唔錯，暫時所有事都幾順利。

第一有新工返，時間一流，同事間都好似無咩小圈子，可能人少啦！應該可以過舒服既一年。

時間多左，就可以做返多Ｄ自己野。已經plan好左新一年既時間表，mon to fri都有晒野做，不過因農曆新年關係，暫未實行，希望唔好又對自己無信用啦！（其實今日都想開始，不過屋企勁亂，睇黎一執要成個星期！）

事日啟市，先凸然發然勁多同事原來結左婚！哈哈！勁多利事逗！不過慢慢發現呢間公司都有少少亂，我指既係系統，所以成日有Ｄ野要即做即出。不過小弟係雜誌界打滾左咁多年，呢Ｄ都仲頂得順！睇黎都唔會有太大檀野要攪架勒！應該成年都輕鬆度過。

今日同靚姨睇左 Sweeney Todd，本人就覺得好睇，最開心係佢不停唱歌，Ｄ歌仲要勁好聽！攪到即該想買返隻soundtrack！不過有人阻止，要諗諗先買得......

Long Time No See!!

哈哈哈！各位好耐無見呀！
終於我又"的"起心肝再寫blog勒！
努努實實除左懶之外，之前心情都麻麻地，所以無乜寫blog。

因乜事心情麻麻？都係工作問題０者。
不過點都好，終於係新年前搵到份唔錯既工，係TST做個in house designer，都可以說係夢寐已求既工作！哈哈！5day work加上準時收工！之後應該會有好多時間可以做自己野！所以係呢個周未我已經plan好左之後既時間表，希望自己會乖乖地跟住做啦！正所謂，時間係唔會等人架！我都會多D update個blog架勒！

今天開始，好好做人！！
請大家祝福我啦！！