金石良言

不進則退。

中國人的說話有時真的太鋒利了...

早陣子有幸看到一友人的blog與website，闊別一年多，發現人家努力發奮,完成多個目標，不再是之前的hea爆小伙子。回看自己，比之前更懶散，甚麼也沒做過。此消彼長，非常擔心很快自己也會給許多人趕上。更擔心的是察覺自己的創作力好像下降了許多！下降不要緊，不怕無心，只怕沒力。連忙找來search book有頭沒腦的亂畫，幸好還可找回一點點感覺，也只是老毛病﹣懶！這個懶，我都會續繼沒責任地歸究於工作，希望我不是真的在抵賴吧！

The Publicland

０甘先係夾band嘛！明！
caption (由上至下)：明桑飛

forum

自問一向都唔識得上網，睇下幾個睇開既網就算。有野要search？唔係yahoo就google，仲有無其他？真係唔知...係某程度上，我諗我係一個古代人。自己亦都好少上討論區，最常上既都係game既討論區，無他既，打打下機卡關咪上去，一定有人幫你過關！（真係唔知點解Ｄ細生仔０甘叻＋０甘多時間！）
其實，我知討論區其實係一個知識寶庫，咩人都有，機本上你問邊辮野，就有果辮既專才響上面答你。不過我就真係好怕睇。怕係因為有Ｄ forum分類太少，咩都係一個forum，好難找到要找既野；一係就太多類別，同一樣野又係幾個唔同區域出現；好啦，你實話search咪得囉！嘩！個Ｄ search engine（包括yahoo & google），經常出埋晒Ｄ九唔答八既result，仲難睇過自己找。
不過，今日花左多少時間０甘search到左一個叫hkdesigners既forum，發現無聊地睇下呢個有返Ｄ art sense、文化野既網真係幾開心，仲整左張新相添！詳情請到 meez.com
其實我好想找Ｄ講香港既文化、藝術或者係文字創作等等既forum/blog黎睇下，如果有人知道，請提供一下！thx a lot!

遺忙症

我想，我重來都是一個自幼便有遺忙症的人。

大慨我的天性樂觀，再加上一個猶豫不決的星座，之後乘以自命不凡，最後再以懶開方......
重以上方程式可以得出"遺忙症"呢個結果。

就先講呢個blog，之前有心有力！唔好話日日寫丫，至少隔一兩日都寫返幾隻字仔丫！點知一隻moster hunter 2，玩到今時今日，費枕忙餐。你可以話我多心，見異思遷，我都唔會否應我係貪新鮮既人，問題係....玩咪玩囉，點解要令到其他野全部停晒呢？老實講，我真係有時忙記要/想寫blog; 就算記得，我可以1秒後就完全唔記得自己有諗過要寫blog！我覺得０甘既自己，好得人驚....

又講下第二樣，係某程度上，我係一個愛書之人。但係，到今時今日，我都只係一個愛買書之人。無他既，又係遺忙症。每次入到書局，都見到呢本好似好有深度、個本好文化、你又題材幾獨等、呀邊個又開正我果帆等等。總會唔見一百幾十，甚至唔止。買個時就好想睇好想睇，又覺得點有用點有用，一返到屋企，諗住坐下休息下。就０甘，本書就係返黎個一刻，放底既位置度，真真正正０甘"原封不動"０甘放左幾個月、幾年，真到上面舖滿塵，女朋友或家人問係邊個既先有機會拎起放係第二度，最後都係無睇過...... ０甘樣，都應該叫做０徒錢呀呵？

呢個問題，遺忙既話後果其實都幾嚴重，就係我個人既賬項。以前，我都有過幾張信用卡仔既，好在當年年少，無０甘高人工，但係都硬係要用盡個簽賬額，買埋晒好多唔等使既野。眾所周之，我呢個享樂主義者幾０甘樂天知命先得架！碌爆卡？晒鬼理咩！打電話黎追數？求其答話「聽日去還」呀、「哎吔！唔記得左添！」咪又拖幾日囉。過左幾年，發現真係還唔到先識驚，好在而家總算還晒但係都經已浪費左唔少青春咯.... 時至今日，我既電話單呀個咋click leg qua lak 野，都係有得拖就拖，但係又唔係無錢喎！真係品性難而矣！

最後呢個例子，其實最大獲！呢樣野唔一定要做，但係唔做，我就就０甘一世。呢樣就係我既創作。之前話過，我係一個自命不凡既人，的確我真係０甘應為。好多野，我都係好易上手，好快精。重來都只係響果件事我仲有興趣既時候，就可以精，玩得熟。所以，我由細到大都只係努力一陣，已經足夠。但係我又唔太算三分鍾熱度喎，如果真係鐘意，我會繼續做。好似打籃球踢波打機篤波０甘，好快經已玩得唔錯勒，而我亦會繼續玩。但係有Ｄ野係不斷做、不斷改進先至得，先會成功。先唔講design，講下玩音樂。天賦我有一把唔錯既聲，唱歌又無好似家姐０甘走去學，都唱得幾好啦！叫做有人讚下０甘。可惜我又唔好好利用，而家感覺有少少問題，話去睇醫生講左幾個月，最後咪又係拖拖拖！好勒，又講下玩結他。又係好快上左手，哈！跟住？技術咪等左係十年前囉！天生音感可能幾好，執哥仔最叻既我，如果好好利用，應該可以有一番作為，唔好講到話要出碟０甘大口氣丫，夾下band仔都絕對無問題掛！無計我懶練，再加上我太多諗頭，太多野想做，跟本練習唔到！因為，每次有心機練時，練唔夠10分鍾我又諗到其他野，又放返底支結他。唉∼不過呢樣當興趣既野都算咯，來日方長！我退休先夾band你吹呀！到時one man band都好呀！分分鍾作Ｄ歌仲有味道呀！
但係講到design，就完全唔同。我成日都滿腦諗頭，想做tee，想做fonts，想做web，講完諗完drop底埋勒，等有時間就做啦！嘿！次次都唔記得左，唔記得左自己有諗過個下死嘛！寫底左又點？都唔記得要睇！呢咋野，如果我做晒，可能有人賞識我發左達勒！就算無發達，我諗點都有多Ｄ freelance啦！再衰Ｄ無人睇到都有多Ｄ profolio見工丫！點樣講，呢Ｄ野做左一定無死，遍遍次次得閒就唔記得！都唔知好嬲定好笑！最最最黑人憎就係，係屋企永遠諗唔到野架喎！一出街就鬼０甘多靈感！真係想死！就算而家有個PDA phone，有咩諗到即drop底，都係無好轉！唯一好就係無唔見到Ｄ靈感囉！唔用都無用架！唉！

講到尾，其實我係個即時行動型既人，我一係唔做，一做就要做到好、做到尾！所以，我係應該可以做到我要做既事！只係，我唔可以再０甘了無牽掛地做人，有時間就要好好利用！諗下有咩之前諗過要做，睇多Ｄ個電話啦！你自己寫０甘多野入去做咩架！記住！記住呀！唔細架勒！！

又新年0勒!

最近都唔係0甘想做野,又新年將至,大條道理懶住過年!不過過左年之後都未可以開工住,喬遷大工程將全面展開,淨係執野都有排執。今次唔會再溫各位笨,叫大家黎搬野,我自己都唔想出手,比錢叫人搬算數!過年之後約埋大家上黎玩啦!

Futsal Fever #6

經過五星期既賽事都有良好既記錄,終於係第6周破身!今周取得0入球!又係好多機會,但係次次都錯失良機。唉~不過,今次表現其實都唔錯,開始可以做多D野,護到波又搶到波,而家係差D準頭(交波同射波都係)0甘就Very Good勒!

停頓

生命好像停頓了
懸浮於真空當中
不往前亦不後退
在不著邊際的空中不停旋轉
或者
我需要一道氣流
把我用力推一把

妳 做我的氣流吧

Futsal Fever #5

繼上星期缺席Futsal球賽,比人話足一個禮拜後,今個星期決定捲土重來。新boot加新波衫果然係唔錯,釘boot無想像中0甘會"Click"住地面,射門亦經過兩個星期思想訓練得到改善,至少無0甘飛機先。今個禮拜有3個士哥,而其中有2個係騎呢波。一球就門前笠射;一個就幫隊友撞牆撻Q,點知入左!家陣有個朵叫"怪腳桑",哈哈!都OK啦!幾好聽丫!

三國志大戰DS

呢幾日主力都係玩<三國志大戰DS>,之前機舖版本無乜興趣(貴嘛!)玩落都幾得意,仲有D卡都幾靚beautiful,當儲卡都幾好丫!Post既時候有93/302張卡,睇黎都唔會儲得齊!
（圖為曾田正人版劉備）

PS 仲有其他漫畫家有份畫卡架！

A number of my life

今日得到新Futsal黑色戰衣,本身都諗住買番件黑色波衫,哈!慳返件成功得到由細著到大既8號球衣(之前自色個件係2號)。希望各位有睇間波既朋友唔好以為我鍾意D8號球員如古利、林伯特、謝拉特(雖然呢個都幾like,話晒都"有今生無來世"丫)等等…只係著開有感情,記住!我係我!再加上星期日買左呢對新boot,聽日第一次落場,當然要係仲新蓄蓄既時候留影紀念啦!登登!第一對釘boot!希望聽日有波入啦!

I am what I am

原來,要做到"停一停,諗一諗"真係一D都唔易。要做得到即係其實要「自律」啦!對在下黎講真係好有難度。如果我識,我諗我發咗達好耐lu。迫自己做野真係好辛苦,或者真係「想玩時玩,想做野時做野」會比較適合我自己。見到身邊好友非常勤力,真係覺得他們好犀利;同時,亦好清楚自己唔會做得到好人地0甘,都係做返自己最舒服!

累

生活在這個地方的確很累
是時候離開但有空能再眾
我們或會為你開一個派對
教你能放心地笑著的離去

Futsal Fever #4

唉？點解一跳就跳左去第4，無左第３既？其實呢個星期之前踢左一場，不過因為想講澳門遊多Ｄ所以skep左囉！（上個星期入左好多球添！）
今個星期係比較特別既一次，因為約左街外人踢。對手係keyman & friends。原來keyman真係踢得幾勁，對手們個個腳頭都好重，難為了門神阿gus。不過阿gus表現神勇，救左好多球！勁！
講返自己，踢多左幾次，感覺好左，最少都知自己做緊咩。好多謝一眾隊友比我踢最前，雖然只得一個入波，浪費左超多機會，不過都無比人鬧！thx!! 下次會踢得更好架勒！
係公司練既"腳法"，係今個星期終於用到一野！好開心！場邊隊友一見我用，又係度嘈！（最大聲當然係凝生啦！）最後比數我問過幾個人，都無人知。總之就話係我地贏喎∼不過贏輸我都無咩所謂既！
最後我同german and 九叔係呢個踢左一個月既futsal場度留下第一次倩影。（P.S. 我個電話影相真係好差，下次要影都係用返相機好過！）

行動力

新Planning於上周正式開始,工作亦正式展開。雖然未可以話係全力執行,但總算係好開始。從來都唔係一個行動力高既人,但係開始左既野就唔會停到手。今次成功開始,應該可以keep到落去。Planning裡仲有少部份亦係最重大變動既部份未能執行......

Happy Saturday (下)

去完墳場,我地就向另一個方向出發,往白鴿巢賈梅士公園出發。呢個公園我都係第一次去,地方都幾大。門口旁邊有一棵樹,形狀好似隻手0甘,都幾特別。其實我地去呢個公園既目的,係去睇佢裡面既圖書館。呢個圖書館好特別,佢係就住一0舊大石而建,所以無論內外都會見到0舊石。而圖書館既面積不大,所以藏書不多,但大部份位置都用黎放座位同枱,環境舒適;再加上裡面D書不作外借,明顯地用途係休憩同溫習居多。
此行我地仲去左另一個圖書館,就係何東圖書館。途中影左張構圖唔錯既相,可措Out Focus,唔問心… 之後，行過一個空地，上面有一Ｄ藝術品，原來係之前一Ｄ藝術節目,由一Ｄ artists係空地度大肆塗鴉一番。感覺非常好，經已唔係漂亮與否既問題，係成個城市既感覺好art，同香港既空間（無論生活空間同藝術上發展既空間）完全兩個世界。
到左第二個圖書館,呢個規模大D,更漂亮。點解香港無D0甘既圖書館?去到時接近黃昏,又影張黃昏相先!最鍾意影黃昏!
行程接近尾聲,食埋個dinner就返香港。呢間舖D野食都幾好,又平!每人廿幾蚊飽晒!推介係豆漿同雞脾拉麵!
就係0甘,成個澳門之旅就完結。周圍行下,輕輕鬆鬆,感覺良好。
返到香港,再同懵少興祝生日,大飲特飲,盡情狂歡!劈到個個Wing下Wing下0甘返屋企,其間大家又喊又笑,非常盡興!
就0甘就玩足一日,之後就下"的"起心肝努力做野既時候,希望今年可以做到自己訂下既目標啦!

Happy Saturday (上)

係剛過去既星期六,我同一班朋友去左澳門。雖然係過大海,但係我地無去任何景點及賭場,因為我地此行只係想四圍行下、睇下。有幾個朋友其實經已去左澳門成個星期,佢地就係呢日為我地似嚮導既角色勒。
當我地去到已經係lunch time,當然係食左先講啦!我地係大三巴附近既YES BRAZIL用餐。阿閃話佢地經已係度食左好幾餐。D野食幾正,有D特別既味道,果度既負責人Maria話係巴西式喎。食完正想走,Maria突然拎左本guess book出黎,我地當然樂意非常!下次去澳門一定會再去。
食完野,我地行下散下步。行左去墳場,靜靜的,感覺安詳,果然係安息既地方。澳門其實係一個幾隨意既城市,或者係D人比較自律啦!點解0甘講?因為教堂既後面有條鋼梯,係上去工作平台,不過無欄住或任何指示。Jessica同阿閃上左去,竟然見到good!!勁驚,即走!我都差D上左去呢。係墳場對面有條路,估計係《依莎貝拉》場景之一,我地此行都揾到好幾個場景,不過唔好意思,無影相。(太長,明天續)

休息、工作再工作

如果我失戀,我估我會好鍾意我既工作,因為佢跟本唔會俾時間你諗野。當然,呢個講法未必個個都啱,但對於我,絕對係。對於工作上既啞火,實在有D困擾,心情下滑。希望周末散散心之後,心情會轉好啦!

終於完成改時間後既第一周工作，同預期一樣，真係比之前更累。變相每個星期做多日，無辨法啦，改一改個時間表，下周開始要真正實行！努力！！

Futsal Fever #2

今日係第二次既futsal日，我呢個足球初哥又跟住去玩。今次踢起上黎比上次以經好左，不過都係有Ｄ進退失據，要踢到最後幾分鍾先開始知道應該點，死未！不過，雖然未係踢得好好，都入左兩粒喎！勁開心！先執隻雞，臨尾又有隊友做就傳個波比我射空門！算係０甘啦！可惜阿鵬少今日無黎。07年既第一課，都幾開心，希望之後會更好啦！

講完波，當然要講下07年展望啦！話晒都07第一blog喎！

之前訂落既時間表係呢個星期都未正式實行，主要當然係自己懶啦！其二係踏入07年，公司既時間會有少少改變，想睇下第一個星期實行Ｄ時間會變成點，再訂一個比較長細既plan，所以都係要下個星期先開始囉！

今日係公司要幫同一個集團另一本書做個logo，一做之下，發見自己真係好hea，完全無晒火，想諗都諗唔到點做，求其到爆。可能真係hea慣左，一時之間，都唔知點認真。其實有Ｄ驚，驚自己以後都係０甘做野。所以極少可地會今晚係屋企做公司既野！好！而家就做！唔係唔知做到幾點lu！