I'm back!

聖誕過後,我部電話終於回魂,真係成個人都開心返晒!
終於訂好下年時間表,雖然我從來都唔係一個識得分配、控制時間既人,希望07年有所改變啦!如果我可以掌握到時間,我諗我可以令好多壞習慣都改埋,0甘樣先至係我。

Daniel,0甘耐先至覆你真係唔好意思,其實你upload個blog0既弟二日我已經睇到。首先多謝你話我教識你好多野先,但係我諗極都諗唔到我有咩教過你,點都好,好多謝你。喂!或者我今年會夾番野,你唔好諗住推我喎!Bass佬個位預左你架勒!

令女Nana,莫講話放我個blog條link落你個網度啦,你將我成個人放上去都得啦!其實之前我都覆左你(係comment度)唔知你睇唔睇到。我睇過你新upload0既相,好少可見到你會出鏡呢!好令,人同景都係^^,真係有D羨慕你男友添!等你返黎呀!

Merry X'mas

又到聖誕！係呢個普天同慶既日子，我將會平平淡淡０甘係屋企渡過。
雖然係平淡，但係好溫馨^^
祝各位有個快樂聖誕！

P.S. 個電話壞左∼所以呢輪少左寫blog （之前果Ｄ都係用電話寫既）！唔開心 ><
整番之後我會努力架勒！

夠

咩係夠,咩係唔夠?
以中國做字傳統,就應該係「很多句子」既意思啦!不過,有好多野,再講幾多句都唔會夠,就好似「我愛你」,你會嫌多嗎?

我諗係香港,大部分人都無咩缺乏,但物慾依然強勁,可以話係「唔知個夠字點寫」。在於我自己而言,都唔算係識寫,都係fing錢怪,但係,我開始明白要「識得夠」。雖然係近排我都未做得到,不過我打算真係收心養性,係今日開始學下「夠」。

Art or design?

尋晚參加左女友同D朋友攪既art group聚會,係一個自發性既art committee。好耐都無參加過D 0甘既聚會,雖然無傾到D咩,但係識到幾個新朋友,而呢班人所想去做既野,又同我個網既宗旨有所交接,希望他們會變成我&個網既動力啦!

但係呢個聚會,令我又去左諗,我究竟係一個designer定係一個Artist呢?雖然呢個可能係名字上既差別,但亦係一個定位問題。起碼,我要諗下,係我個人既卡片上面我應該落咩名?

人生

自問是一個有理想的人,但亦是一個懶人。因此,理想變成空想。

當我識到新朋友,有機會交心的話,我都會問他/她的理想。呢個係一個最快知道對方係咩人;至少亦能接近對方既思想迴路。當然唔會有model answer;但係,就個人黎講,就最唔鍾意聽到人地既理想係「揾好多錢」。揾錢唔係問題,但最多會係一個且標,而唔係理想!(除非你揾返黎既錢係作收藏用,一世都唔會用啦!)

周星馳話「有理想的人不是鹹魚」。係,我絕對認同!不過,唔做鹹魚唔代表揾到食。

講到揾食,就更加唔講得理想!因為永遠都只有人地想,無人會問「理想」點。

我既人生就係0甘,每日都矛盾地渡過。一方面又好有理想0甘做自己0既artwork,另一方面又要勁hae0甘做人地對手。本身都好地地,有乖乖0甘做自己野,可惜我太多心太懶,成日又掛住玩,一晚功夫仔要幾個星期先搞得起,真係要改改D壞習慣!就由今日開始,以blog為證!

阿祖與阿慈

阿慈同我係摯友,幾乎日日都陪住我。你或會問,我一定好鍾意同距一齊啦!其實非也。我都好唔鍾意距成日跟住我。始終阿慈既眾多「花朵」-- 例慈、慈鈍、慈疑、慈緩等等,都屬貶義詞,始終都會令人唔鍾意,覺得唔好。
相反,我另一個朋友阿祖,距D「花朵」就順耳好多!例如祖到、祖晨、盡祖等等,好似好有希望,好正面0甘。雖然我同阿祖唔算太熟,好間唔時先找距一次,但係距都唔係好介意,仲當我係好兄弟添!人品的確好!
所以我決定同阿慈減少接觸,但係就多D找阿祖。正所謂「近朱者赤,近墨者黑」希望學到D好野返黎啦!

Futsal Fever!

今日同一班同事去左黃大仙中心天台踢波，試下個新場嘛！
其實感覺唔差，不過一眾波友都話麻麻∼ 機本上，有得踢的話對我呢個新手黎講都一樣啦∼哈哈

可能太耐無運動過,或者真係老勒∼無氣！Futsal雖然場仔細細，但係節奏太快勒，對我呢Ｄ唔係好識踢波既人黎講真係有Ｄ難度！不過！今日表現都ok，由開頭唔知做咩好，到尾段以經有唔錯既發揮,至少知道應該走去邊,截到下波0甘勒！最後仲有一個助攻添呀！好話唔好聽都後踭黎架！踢過幾次波既我黎講,算係0甘啦！

今晚4點將會有場歐聯大戰上演,我至愛既巴塞大戰不來梅。巴塞一定要贏波先可以出線,0甘緊要既波,作為一個fans當然要睇啦！希望巴塞同細哨都有好表現啦！

The 1st blog of my life!

近日發覺自己有啲精神分裂,日同夜之間嘅分別極大,無論身心都係,可能因為一個人住嘅關係啦!
就因為咁,我又諗到一啲嘢:
夜晚如果真係有嘢做,通頂都無問題;若果無所事事的話,唔該你早啲瞓。
希望自己真係做得到啦!